بيت الجارة أحلي
أنا و أخواتي عايشين في بيت قديم قوي.أثر زى ما بيقولوا.ده مبني من 700 سنة.وكان أجمل وأحلي بيت وقتها.دلوقتي هو أثري آه لكن قديم.يعني مثلا مش زى بيت امباريكا هانم وولادها. و لا زى بيت آسيا صاحبتي .ولا حتى بيت شوربا اللي قاعد جنبي في الفصل .وهو بيت كبير قوي بالنسبة لعددنا أنا وأخواتي وبابا و ماما لكن كلنا عايشين في جزء صغير قوي في الدور الأرضي بس. حتى مش بنام في كل الأود .لأ بنام متكدسين في أودة أو اتنين وأودة القعدة ,اودة للضيوف. وطبعا في مطبخ وحمام . وبيتنا ده بيسموه قصر.
ومع إن فيه أدوار كتير وأود جميلة وواسعة. لكن ما فيهاش عفش خالص. ومع إن بابا من أصل غني وعندنا أراضي كتير إلا انه مابيعملش بيهم حاجة و سايبهم كده.ده غير كمان إن حتى الفلوس اللي معاه مضيعها علي حاجات هايفة هو وماما. ده غير كمان أخواتي الكبار اللي بياخدوا مصروف كبيير قوي. وعشان أنا يعني صغير مابيدونيش حاجة خالص لا أنا ولا أخواتي الصغيرين. مع إننا عددنا أكبر .لكن بابا متصور إن كل اللي المفروض عليه انه يأكلنا ويشربنا وخلاص. وياريته كمان بيعمل ده عدل .ده غير انه بيفرق بين الكبار والصفيريين وبيعاملنا وحش .ماعدا قدام الضيوف يقعد يبوس فيه ويقول حبيبي والهبل ده.
مايروحش يشوف بيت امباريكا هانم اللي لسه مبني من سنتين. بس إيه بيت رهيييييب. شكله حلو ونضيف ومش قديم كده زى بيتنا.ومع إنهم اكتر مننا والبيت بصراحة برده كبير لكن كل واحد في أودة. ده غير كمان انه مليان ناس أشكال وألوان أخواتها ,أقرايبها وناس ساكنين وكتيير. و دينهم مختلف كمان . و فيه مسلمين بس مع إنهم حبه صغيرة-بالنسبة لينا- إلا إنهم متدينين قوي.معاملتهم جميلة.وبيصلوا كل الفروض في الجامع. و الستات بتوعهم لبسهم محترم قوي كده وشيك كمان. والي يشوفهم يقول مسلمين بصحيح .مش زى لبس أخواتي البنات الكبار –الله لا يوريك- .وصحيح إن امباريكا هانم ديه مش مسلمة بس عمرها ما تفكر تمنعهم من إنهم يصلوا أو يصوموا أو يلبسوا اللي عايزين يلبسوه .مش زى بابا اللي كل ما يشوفني نازل اصلي في الجامع يقعد يتريق عليا ويقولي أنت بقيت شيخ-مع إن في الجامع مهندسين ودكاترة-ده غير انه ساعات بيزعقلي ويقولي صلي في البيت كفاية .لكن أنا بقي سمعت في المسجد –لما بروح من ورآه-إن الرجاله لازم يصلوا في الجامع مادام مش ورآهم حاجة وأنا بقي راااااجل. وأخواتي الكبار زى بابا بالظبط في كل حاجة.
وحتى كمان أخواتي البنات. كل ما قولهم عيب اللبس ده. يقولوا أنت هتعمل فيها راجل يا للي لسه بتعملها علي نفسك-وده ظلم لأني بعرف الحق نفسي وادخل الحمام-☺. ودانا حتى مرة سمعتهم من تحت السرير بيقولوا إنهم كده عاملين زى ولاد امباريكا هانم في شياكتهم وإنهم ماشيين علي الموضة. وأنا مش عارف ليه عاوزين يبقوا زى ولاد امباريكا هانم مع إنهم مش مسلمين. ده غير بقي إنهم مصاحبينهم وكل يوم والتاني يروحوا عنده وهما يجوا عندنا. بي أنا متأكد إنهم مش بيحبوا أخواتي وعمالين يفسدوا فيهم عشان ينموهم في الخط .آه اصل أنا سمعت إنهم عايزين يشتروا كل البيوت اللي في الحتة-وأولهم قصرنا طبعا- بسعر رخيص قوي وممكن ببلاش ويهدوها ويطردوا أهلها منها أو يرجعوا يسكنوهم تاني بس بفلوس. ايوه واحد صاحبي كبير في المسجد هو اللي قالي علي كل ده. اصل هوه عايش معاهم من زمان و فاهمهم .
و أنا بقي مصدقه. لان الست امباريكا كل يوم والتاني حيه هي وجوزها قاعدين عندنا وجايبين حاجات كده إيه قزايز كده فيها حاجات بتنيم, وشرايط فيديو بيقولوا عليها ثقافية, وسجاير ده غير بقي الدقيق الكتير اللي ماما بتشتريه غالي قوي بس عمرها ما عملت بيه لنا كيكة خالص. مش عارف بتوديه فين.وبيجيبوا حاجات حلوة وحلويات. بس أنا بقي واعي وعمري ما كلت حاجة منها-مع إن بيبقي نفسي-لكن صاحبي في الجامع قالي اوعي تاكل حاجه منها أبدا. وإنهم بيحطوا فيها حاجات وحشة عشان يخلصوا منها. وكمان أنا نبهت علي أخواتي الصغيرين مايكلوش منها أبدا-يالا خلينا نخلص من الباقي-
وعلي كده بقي كل يوم.يجوا هما وولادهم يقعدوا مع اخواتي بنات علي ولاد وهيصة. بس أنا بقي بذكائي عارف هما بيعملوا كده ليه. هما عايزين يخلصوا علي كل الفلوس اللي مع بابا .عشان يبقي محتاج لهم. لأن هما حاولوا يعملوا كده مع شوربا وآسية بس ماعرفوش-بس شكلهم كده هيعرفوا معانا.لكن أنا بقي لما اكبر هوريهم.
بس الواحد برضه لازم يقول الحق.هما أي نعم وحشين كده وبيكرهونا قوي-وأنا كمان بكرهم-بس بقي تعالي شوفهم في بيتهم عاملين إيه مع بعض. بيروحوا مدارس كده مناهجها غريبة ولذيذة-شفتها مع واحد صاحبي من المسلمين اللي هناك- مش زى مدارسنا اللي بنروح نتفرج علي المدرسين ونشحن طول السنة ونفرغ في آخرها-زى بطارية العربية- لأ دي مدارس نضيفة ومش زحمة زى مدارسنا. ده غير الأكل أشكال وألوان وكل اللي تتخيله- مش إحنا اللي بناكل طول السنة سبع أصناف بعدد أيام الأسبوع زى جدول المدرسة- وكل أكل مثلا في بجي خمسين نوع. يا سلام.
وكل ده وممكن نكون إحنا اغني منهم لو حسبنا الأراضي اللي عند بابا.وكل واحد فيهم بياخد مصروفه علي قد شطارته ودرجاته و أدبه ومخه . مش إحنا هبل في هبل. وحياتهم منظمة. كل حاجة في ميعاد. وعشان كده بقول إن بيتهم احلي من بيتنا .اهيء اهيء أنا نفسي بيتنا يبقي زى بيتهم في الحاجات الحلوة ديه.
وكل مقول لبابا إن بيت امباريكا الجارة أحلي. يقولي اسكت يا واد داحنا بيتنا أثر من 700 سنة ومافيش بيت في تاريخه في الحتة. لكني بقي المرة الجاية هقوله إن مش مهم قصرنا ده كان زمان إيه المهم دلوقتي.هقوله يروح يشوف بيت آسية وشوربا أحلي من قصرنا ميت مرة.وهقوله كمان انه بيخاف من امباريكا هانم وبيسمع كلامها هو وماما وأخواتي زى ما تكون ماسكة علية ذلة واللي هعرفها قريب.
وهقوله إني بكره القصر.
وان بيت الجارة أحلي.
وهقوله إني كان نفسي أتولد هناك بس أكون مسلم.
وهقوله وهقوله وهقوله.
هقوله إن امباريكا مش هتسكت إلا لما تاخد قصرنا هو و كل البيوت اللي حواليه وتطردنا ونبقي عندها خدامين.
بس ارجع وأقول لو أنا بكره القصر فعلا كنت أسيبه لامباريكا. لكن أنا بقي فهمت. أنا مش بكره القصر أ بحبه قوي .بس بكره بابا وماما وأخواتي اللي هيسلموا القصر بأيديهم لامباريكا وولادها. لأن هما اللي أدوها الفرصة إنها تتدخل في عيشتنا. لكن أنا بقي لما اكبر هوريها إن أنا مش زى أبويا .وهتشوووووووووووووف حمادة هيعمل إيه.
وعن إذنكم اصلي لسه ماكملتش واجب الحساب ولا يرضيكوا أضرب بكرة من الميس؟؟؟؟؟؟؟؟؟؟؟؟
أنا و أخواتي عايشين في بيت قديم قوي.أثر زى ما بيقولوا.ده مبني من 700 سنة.وكان أجمل وأحلي بيت وقتها.دلوقتي هو أثري آه لكن قديم.يعني مثلا مش زى بيت امباريكا هانم وولادها. و لا زى بيت آسيا صاحبتي .ولا حتى بيت شوربا اللي قاعد جنبي في الفصل .وهو بيت كبير قوي بالنسبة لعددنا أنا وأخواتي وبابا و ماما لكن كلنا عايشين في جزء صغير قوي في الدور الأرضي بس. حتى مش بنام في كل الأود .لأ بنام متكدسين في أودة أو اتنين وأودة القعدة ,اودة للضيوف. وطبعا في مطبخ وحمام . وبيتنا ده بيسموه قصر.
ومع إن فيه أدوار كتير وأود جميلة وواسعة. لكن ما فيهاش عفش خالص. ومع إن بابا من أصل غني وعندنا أراضي كتير إلا انه مابيعملش بيهم حاجة و سايبهم كده.ده غير كمان إن حتى الفلوس اللي معاه مضيعها علي حاجات هايفة هو وماما. ده غير كمان أخواتي الكبار اللي بياخدوا مصروف كبيير قوي. وعشان أنا يعني صغير مابيدونيش حاجة خالص لا أنا ولا أخواتي الصغيرين. مع إننا عددنا أكبر .لكن بابا متصور إن كل اللي المفروض عليه انه يأكلنا ويشربنا وخلاص. وياريته كمان بيعمل ده عدل .ده غير انه بيفرق بين الكبار والصفيريين وبيعاملنا وحش .ماعدا قدام الضيوف يقعد يبوس فيه ويقول حبيبي والهبل ده.
مايروحش يشوف بيت امباريكا هانم اللي لسه مبني من سنتين. بس إيه بيت رهيييييب. شكله حلو ونضيف ومش قديم كده زى بيتنا.ومع إنهم اكتر مننا والبيت بصراحة برده كبير لكن كل واحد في أودة. ده غير كمان انه مليان ناس أشكال وألوان أخواتها ,أقرايبها وناس ساكنين وكتيير. و دينهم مختلف كمان . و فيه مسلمين بس مع إنهم حبه صغيرة-بالنسبة لينا- إلا إنهم متدينين قوي.معاملتهم جميلة.وبيصلوا كل الفروض في الجامع. و الستات بتوعهم لبسهم محترم قوي كده وشيك كمان. والي يشوفهم يقول مسلمين بصحيح .مش زى لبس أخواتي البنات الكبار –الله لا يوريك- .وصحيح إن امباريكا هانم ديه مش مسلمة بس عمرها ما تفكر تمنعهم من إنهم يصلوا أو يصوموا أو يلبسوا اللي عايزين يلبسوه .مش زى بابا اللي كل ما يشوفني نازل اصلي في الجامع يقعد يتريق عليا ويقولي أنت بقيت شيخ-مع إن في الجامع مهندسين ودكاترة-ده غير انه ساعات بيزعقلي ويقولي صلي في البيت كفاية .لكن أنا بقي سمعت في المسجد –لما بروح من ورآه-إن الرجاله لازم يصلوا في الجامع مادام مش ورآهم حاجة وأنا بقي راااااجل. وأخواتي الكبار زى بابا بالظبط في كل حاجة.
وحتى كمان أخواتي البنات. كل ما قولهم عيب اللبس ده. يقولوا أنت هتعمل فيها راجل يا للي لسه بتعملها علي نفسك-وده ظلم لأني بعرف الحق نفسي وادخل الحمام-☺. ودانا حتى مرة سمعتهم من تحت السرير بيقولوا إنهم كده عاملين زى ولاد امباريكا هانم في شياكتهم وإنهم ماشيين علي الموضة. وأنا مش عارف ليه عاوزين يبقوا زى ولاد امباريكا هانم مع إنهم مش مسلمين. ده غير بقي إنهم مصاحبينهم وكل يوم والتاني يروحوا عنده وهما يجوا عندنا. بي أنا متأكد إنهم مش بيحبوا أخواتي وعمالين يفسدوا فيهم عشان ينموهم في الخط .آه اصل أنا سمعت إنهم عايزين يشتروا كل البيوت اللي في الحتة-وأولهم قصرنا طبعا- بسعر رخيص قوي وممكن ببلاش ويهدوها ويطردوا أهلها منها أو يرجعوا يسكنوهم تاني بس بفلوس. ايوه واحد صاحبي كبير في المسجد هو اللي قالي علي كل ده. اصل هوه عايش معاهم من زمان و فاهمهم .
و أنا بقي مصدقه. لان الست امباريكا كل يوم والتاني حيه هي وجوزها قاعدين عندنا وجايبين حاجات كده إيه قزايز كده فيها حاجات بتنيم, وشرايط فيديو بيقولوا عليها ثقافية, وسجاير ده غير بقي الدقيق الكتير اللي ماما بتشتريه غالي قوي بس عمرها ما عملت بيه لنا كيكة خالص. مش عارف بتوديه فين.وبيجيبوا حاجات حلوة وحلويات. بس أنا بقي واعي وعمري ما كلت حاجة منها-مع إن بيبقي نفسي-لكن صاحبي في الجامع قالي اوعي تاكل حاجه منها أبدا. وإنهم بيحطوا فيها حاجات وحشة عشان يخلصوا منها. وكمان أنا نبهت علي أخواتي الصغيرين مايكلوش منها أبدا-يالا خلينا نخلص من الباقي-
وعلي كده بقي كل يوم.يجوا هما وولادهم يقعدوا مع اخواتي بنات علي ولاد وهيصة. بس أنا بقي بذكائي عارف هما بيعملوا كده ليه. هما عايزين يخلصوا علي كل الفلوس اللي مع بابا .عشان يبقي محتاج لهم. لأن هما حاولوا يعملوا كده مع شوربا وآسية بس ماعرفوش-بس شكلهم كده هيعرفوا معانا.لكن أنا بقي لما اكبر هوريهم.
بس الواحد برضه لازم يقول الحق.هما أي نعم وحشين كده وبيكرهونا قوي-وأنا كمان بكرهم-بس بقي تعالي شوفهم في بيتهم عاملين إيه مع بعض. بيروحوا مدارس كده مناهجها غريبة ولذيذة-شفتها مع واحد صاحبي من المسلمين اللي هناك- مش زى مدارسنا اللي بنروح نتفرج علي المدرسين ونشحن طول السنة ونفرغ في آخرها-زى بطارية العربية- لأ دي مدارس نضيفة ومش زحمة زى مدارسنا. ده غير الأكل أشكال وألوان وكل اللي تتخيله- مش إحنا اللي بناكل طول السنة سبع أصناف بعدد أيام الأسبوع زى جدول المدرسة- وكل أكل مثلا في بجي خمسين نوع. يا سلام.
وكل ده وممكن نكون إحنا اغني منهم لو حسبنا الأراضي اللي عند بابا.وكل واحد فيهم بياخد مصروفه علي قد شطارته ودرجاته و أدبه ومخه . مش إحنا هبل في هبل. وحياتهم منظمة. كل حاجة في ميعاد. وعشان كده بقول إن بيتهم احلي من بيتنا .اهيء اهيء أنا نفسي بيتنا يبقي زى بيتهم في الحاجات الحلوة ديه.
وكل مقول لبابا إن بيت امباريكا الجارة أحلي. يقولي اسكت يا واد داحنا بيتنا أثر من 700 سنة ومافيش بيت في تاريخه في الحتة. لكني بقي المرة الجاية هقوله إن مش مهم قصرنا ده كان زمان إيه المهم دلوقتي.هقوله يروح يشوف بيت آسية وشوربا أحلي من قصرنا ميت مرة.وهقوله كمان انه بيخاف من امباريكا هانم وبيسمع كلامها هو وماما وأخواتي زى ما تكون ماسكة علية ذلة واللي هعرفها قريب.
وهقوله إني بكره القصر.
وان بيت الجارة أحلي.
وهقوله إني كان نفسي أتولد هناك بس أكون مسلم.
وهقوله وهقوله وهقوله.
هقوله إن امباريكا مش هتسكت إلا لما تاخد قصرنا هو و كل البيوت اللي حواليه وتطردنا ونبقي عندها خدامين.
بس ارجع وأقول لو أنا بكره القصر فعلا كنت أسيبه لامباريكا. لكن أنا بقي فهمت. أنا مش بكره القصر أ بحبه قوي .بس بكره بابا وماما وأخواتي اللي هيسلموا القصر بأيديهم لامباريكا وولادها. لأن هما اللي أدوها الفرصة إنها تتدخل في عيشتنا. لكن أنا بقي لما اكبر هوريها إن أنا مش زى أبويا .وهتشوووووووووووووف حمادة هيعمل إيه.
وعن إذنكم اصلي لسه ماكملتش واجب الحساب ولا يرضيكوا أضرب بكرة من الميس؟؟؟؟؟؟؟؟؟؟؟؟
